Uppfært kl.04.30

Veðrið hefur gengið hratt niður á höfuðborgarsvæðinu og hefur lægt. Fólk sem hafðist við í fjöldahjálparstöð á Kjalarnesi í nótt gat farið áfram ferða sinna fyrir um klukkustund síðan.

Heiðar eru enn lokaðar og ófærar.

Kl. 00.30 – 07.02.2018

Það má búast við töfum í umferðinni í fyrramálið vegna veðurs.

Spáir snjókomu í nótt og allhvössum vindi og éljum.

Mynd tekin nú rétt eftir miðnættið í Reykjavík.

Búið er að loka Hell­is­heiði, Þrengsl­um, Mos­fells­heiði og Kjal­ar­nesi. Þetta kem­ur fram í til­kynn­ingu frá Vega­gerðinni.

Í morgun voru sumir í allt að tvo klukkutíma að komast frá Hafnarfirði til vinnu í Reykjavík. Útlit er fyrir að ástandið verði jafnvel verra í fyrramálið.

Ábendingar frá veðurfræðingi

Suðvestan og vestanlands versnar veður í kvöld. 15-18 m/s, hríð og skarfrenningur til miðnættis, en siðan hlánar á láglendi s.s. á Höfuðborgarsvæðinu. Gengur hratt yfir landið og setur niður talsverðan snjó. Í fyrramálið snýst í SV hvassviðri með éljum og blindu um V-vert landið.

Færð og aðstæður – Vegagerðin
Það er hálka, hálkublettir eða snjóþekja er á flestum vegum á Suður- og Suðvesturlandi og sumsstaðar éljagangur. Á Kjalarnesi, Hellisheiði og Þrengslum er hvasst og skafrenningur.

Hálka og snjóþekja er á vegum á Vesturlandi og Vestfjörðum og hvasst og töluverður skafrenningur á Snæfellsnesi og á fjallvegum á Vestfjörðum.

Á Norðurlandi vestra er hálka eða snjóþekja en mikið autt á Norðaustur- og Austurlandi. Hálka eða hálkublettir eru með suðausturströndinni.

 

Nú rétt eftir miðnættið þegar að þessar myndir voru teknar, var ansi blint víða í borginni og sérstaklega í vindkviðum.

 

 

 

Gul viðvörun er nú hjá veðurstofunni. 

Veðurhorfur á landinu :

Vaxandi suðaustanátt, 13-20 m/s og fer að snjóa við SV-ströndina undir miðnætti og hlánar þar.
Allhvöss suðaustanátt og víða rigning eða slydda á láglendi í nótt og snjókoma fyrir norðan, en snýst í suðvestan 10-18 með éljum í fyrramálið, fyrst V-til. Léttir til á NA-lands seinnipartinn og kólnar aftur.

Færð á vegum klukkan 00:43  7.febrúar 2018

 

Athugasemdir

Athugasemdir