Sérsveit ríkislögreglustjóra hefur tekið bensínstöð N1 við Ægisíðu yfir sem aðgerðastöð vegna umfangsmikillar lögregluaðgerðar sem stendur yfir á svæðinu

Myndir: Fréttatíminn

Eggert Þór Kristófersson, forstjóri N1, staðfestir þetta í samtali við Vísi áðan. Hann segist engar frekari upplýsingar hafa fengið um málið.             Fréttamaður okkar er mættur á staðinn. – Fjöldi lögreglubíla er á vettvangi og loka tveir lögreglubílar fyrir alla umferð og standa lögreglumenn vörð á svæðinu.

Grunur leikur á að um vopnað fólk sé um að ræða á staðnum og er a.m.k. einn sérsveitarmaður er vopnaður riffli, tilbúinn að bregðast við.

Þrír starfsmenn eru á N1-stöðinni og hefur þeim verið bannað að fara út á meðan aðgerðinni stendur. Samkvæmt upplýsingum Vísis hefur því beint til starfsfólks Ægisborgar, leikskóla við Ægisíðu, um að börnin fari ekki út að óþörfu á meðan á aðgerðum stendur.

Grunur er um að einstaklingur eða einstaklingar séu vopnaðir skotvopnum á svæðinu.
Í frétt Vísis var einnig haft eftir nágranna að leigubíll hefði verið stöðvaður á Hagamel í tengslum við aðgerðina. Úr bílnum komu tveir farþegar og var annar þeirra illa farinn í andliti að sögn sjónarvottsins sem býr í götunni.

Athugasemdir

Athugasemdir