,,ÞÚ ERT ÓTRÚLEGA BARNALEGUR“

Harbinger býður ykkur hjartanlega velkomin á leiklestur úr verkinu „Ertu ekki að grínast“ eftir Nikulás Stefán Nikulásson í samstarfi við Leikhópinn X. Viðburðurinn stendur yfir þetta eina kvöld, laugardaginn 7. apríl, frá kl 20 til 22.

  • Þátttakendur:
  • Birgitta Sigursteinsdóttir
  • Hjörtur Sævar Steinason
  • Hulda Lind Kristins
  • Magnea Baldursdóttir
  • Jens Jensson
  • Ester Sveinbjarnardóttir
  • Halldóra Eyfjörð
  • Nikulás Stefán Nikulásson

Úr verkinu:

Við erum stödd heima hjá nr.17. Þetta er stór risíbúð í skuggahverfinu. Inni eru svo gott sem engin húsgögn bara tveir ískkápar, 5 kollar og rautt teppi yfir öllu gólfinu. Lyktin er ógreinileg, ekki beint matarlykt en þykk og austurlensk. Áhugamanna leikhópurinn, sem kallar sig Ert´ekki að Grínast!, hittist annan hvorn þriðjudag í risíbúð 17 og æfir improve. Improve er einsskonar spuna tækni í leiklist, frábær leið til að opna sig og efla sjálfstraustið.

“Oft líður mér eins og verki eftir Harald Jónsson, Vakúm-pakkað Ryk eða leikvöllur að nóttu til, en sem betur fer heldur frunsan mín mér félagsskap og tárin mín sem vekja hana þar sem hún sefur á efri vörinni og mig fer að svíða og ég kroppa í hana svo hún hverfi aldrei.”
___________

Nikulás Stefán Nikulásson, f.1987, útskrifaðist úr myndlistadeild Listaháskóla Íslands 2013 og vinnur og starfar í Reykjavík. Hann hefur tekið þátt í nokkrum samsýningum eftir útskrift, m.a. „Koma svo“ á Listasafni ASÍ, 2016, „Piano“ á Listasafni Íslands og „Feng Shui vandamál“ í Kunstschlager 2014. 
___________

Viðburðurinn er hluti af sýningaröðinni „Við endimörk alvarleikans“. Sýningarstjórar eru Steinunn Önnudóttir og Halla Hannesdóttir og er sýningaröðin styrkt af Myndlistarsjóði.

 

 

Athugasemdir

Athugasemdir