Leikhús fáránleikans : Það er ljóst að æðstu stjórnendur viðskiptalífsins telja sig svo mikilvæga að þeir verðskuldi laun sem jafngilda tugum stöðugilda á almennum vinnumarkaði. Siðlaust launaskrið og sjálftaka í gegnum kaupauka og bónuskerfi áttu að heyra sögunni til eftir hrunið 2008 en annað hefur komið á daginn

,,Það er ljóst að launafólk á almennum og opinberum markaði mun ekki lengur sætta sig við að bera ábyrgð á stöðugleika í samfélaginu á meðan stjórnvöld og aðrir embættismenn ásamt toppunum í íslensku viðskiptalífi stíga trylltan sjálftökudans.

Sem dæmi um firringu þeirra sem stjórna fyrirtækjum á Íslandi má nefna launagreiðslur til forstjóra Eimskips sem námu 102,6 milljónum á síðasta ári. Á einu ári fær hann tekjur sem láglaunafólk er stóran hluta starfsævinnar að vinna sér inn fyrir.

Launagreiðslur til Forstjóra Eimskipa á einu ári jafngilda byrjunarlaunum 19 ljósmæðra eftir 6 ára háskólanám og milljóna námslán. Þarf forstjóri Eimskipa að vera þess ávallt viðbúinn að mæta til vinnu, vegna þess að líf og heilsa fólks er að veði? Það er ólíklegt að þjóðin tæki eftir því ef topparnir í viðskiptalífinu myndu leggja niður störf í nokkra daga eða vikur, í það minnsta þarf ekki að loka fyrirtækjunum ef það gerist.“

Það má því með sanni segja að stéttaskiptingin er að aukast mikið á Íslandi í boði m.a. Lífeyrissjóða okkar sem eiga í flestum stærri fyrirtækjum á Íslandi og sýna vinnandi stéttum puttan þegar að kemur að launum. Þetta er allt að gerast á meðan að Forsætisráðherra Íslands er í flokki sem er lengst til vinstri, í orði, og í forsvari fyrir ríkisstjórn á Íslandi í fyrsta sinn, með Sjálfstæðisflokknum.

,,Stjórnendur eru engu að síður dekraðir af stjórnum fyrirtækja sem mörg hver eru að stórum eða í meirihluta eigu eftirlaunasjóða almennings. Ástandið er svo galið að ekki verður lengur við unað!

Nú eru ljósmæður í mikilli og erfiðri kjarabaráttu og ber okkur öllum að styðja, virða og sýna í verki stuðning okkar við baráttu þeirra fyrir bættum kjörum. Við undirrituð styðjum ljósmæður heilshugar og skorum á samninganefnd ríkisins að nálgast kjaraviðræður þeirra af virðingu og sanngirni í stað hroka og yfirlætis.“

Nýjasta dæmið um ofurlaun forstjóra á Íslandi eru laun Eggerts Þórs Kristjánssonar, sem að verða 84.000.000 krónur á ári eins og við höfum áður fjallað um og verður þannig skv. samþykki stjórnar N1 sem að kolfelldi mótbárur VR og Ragnars Þórs Ingólfssonar, formanns VR. Forstjórinn Eggert Þór Kristófersson fékk rúmlega 12 milljónum hærri árslaun í fyrra en árið þar áður og á núna að hækka um 20.6% í viðbót. Við höfum áður getið þess að á Íslandi er hæsta bensín og eldsneytisverð í heimi sem að íslenskir neytendur borga. Stjórnarformaðurinn Margrét Guðmundsdóttir segir það skýrast af hárri kaupaukagreiðslu vegna góðs rekstrarárangurs 2016, en það eru ekki óvænt tíðindi þar sem að mesta okur í heimi er á Íslandi og forstjórar eru þá verðlaunaðir fyrir það. Hún segir að sú skýring hefði þó mátt koma fram fyrr – umræðan um málið hafi ekki hjálpað fyrirtækinu.

Ragnar Þór reyndi að leggja fram tillögu á aðalfundi N1 í dag fyrir hönd VR um það að allir starfsmenn fyrirtækisins fengju jafnháa prósentuhækkun á laun sín og forstjórinn: 20,6%. Tillagan var kolfelld.

Aðalsteinn Baldursson
Ragnar Þór Ingólfsson
Sólveig Anna Jónsdóttir
Vilhjálmur Birgisson

Við höfum nýverið fjallað um launahækkun forstjóra N1.

Athugasemdir

Athugasemdir