Ábendingar frá veðurfræðingi 23. janúar kl. 16:00  Litur: Appelsínugulur

Vegagerðin varar við lokun og versnandi veðri

Spáin fyrir Austfirði hefur nú versnað. Þar er nú reiknað með umtalsverðri snjókomu og miklu hríðarveðri, einkum á fjallvegunum. Vakin er athygli á snjóflóðahættu til fjalla á Austfjörðum. Einnig snjóar samfara allhvössum vindi norðaustanlands allt vestur í Eyjafjörð og á Öxnadalsheiði.

Lokað
Öxnadalsheiði er lokuð.

Færð og aðstæður

Vetrarfærð er á vegum á Suðurlandi, hálkublettir, hálka, snjóþekja eða krapi en ekki fyrirstaða.

Hálka eða snjóþekja er víða á Vesturlandi og sums staðar snjókoma. Þungfært er á Fellsströnd og á Skarðsströnd en þar er líka lokkaður kafli þar sem snjóflóð féll.

Á Vestfjörðum er víðast hálka eða snjóþekja og éljagangur. Þæfingsfærð er á Hálfdáni en þungfært á Mikladal.

Hálka og snjóþekja er á flestum vegum á Norðurlandi, snjókoma eða él og skafrenningur. Búið er að loka Öxnadalsheiði. Ófært er um Dalsmynni, Hólasand og Dettifossveg en þungfært inn í Fnjóskadal.

Hálka eða snjóþekja og éljagangur eða skafrenningur er á Austurlandi. Þæfingsfærð og skafrenningur er á Vopnafjarðarheiði. Fjarðarheiði er ófær og þar er blindbylur. Ófært er einnig á Vatnsskarði eystra, Breiðdalsheiði og Öxi.

Hálka eða hálkublettir er á Suðausturlandi.

Athugasemdir

Athugasemdir