Brot 181 ökumanns var myndað á Gullinbrú í Reykjavík í gær. Fylgst var með ökutækjum sem var ekið um Gullinbrú í suðurátt, á móts við Dverghamra.

Á einni klukkustund, eftir hádegi, fóru 562 ökutæki þessa akstursleið og því ók tæplega þriðjungur ökumanna, eða 32%, of hratt eða yfir afskiptahraða.

Meðalhraði hinna brotlegu var 77 km/klst en þarna er 60 km hámarkshraði. Fimmtíu og sex óku á 80 km hraða eða meira en sá sem hraðast ók mældist á 102.

Vöktun lögreglunnar á Gullinbrú er liður í umferðareftirliti hennar á höfuðborgarsvæðinu, en þess má geta að sól og blautt var á meðan hraðamælingunni stóð.

Fyrirmyndarakstur á Suðurlandsvegi
 Næstum allir ökumenn voru til fyrirmyndar þegar lögreglan var við hraðamælingar á Suðurlandsvegi í dag. Fylgst var með ökutækjum sem var ekið Suðurlandsveg í vesturátt, á móts við Geirland.

Á einni klukkustund, eftir hádegi, fóru 258 ökutæki þessa akstursleið og var þeim öllum nema einu ekið á löglegum hraða en þarna er 90 km hámarkshraði. Hinn brotlegi mældist á 103.                                      Vöktun lögreglunnar á Suðurlandsvegi er liður í umferðareftirliti hennar á höfuðborgar- svæðinu, en þess má geta að sól og hálka var á meðan hraðamælingunni stóð.

Athugasemdir

Athugasemdir