30.03 2012 | Kaffitíminn
Orri Páll skrifar ævisögu Hemma Gunn
Margir bíða eflaust spenntir eftir ævisögu Hermanns Gunnarssonar.
Gengið hefur verið frá því að Orri Páll Ormarsson, blaðamaður á Morgunblaðinu, skrifi ævisögu Hermanns Gunnarssonar. Óvíst er hvenær bókin lítur dagsins ljós en ljóst er að það verður ekki á þessu ári. Óhætt er að segja að Hermann, betur þekktur sem Hemmi Gunn, sé einhver ástsælasti núlifandi Íslendingurinn.
Hemmi hefur lifað viðburðaríku lífi. Hann var á sínum tíma einn allrabesti knattspyrnumaður landsins, var vinsælasti sjónvarpsmaður Íslands, tónlistarmaður af guðs náð og almennur gleðigjafi og búast má við því að kappinn hafi frá mörgu skemmtilegu að segja. -óhþ
