FréttirInnlentForseti Íslands tók á móti 13.480 undirskriftum mótmælenda vegna Orkupakka 3

Ritstjórn Fréttatímanns2 mánuðir síðan3 min

Samtökin Orkan okkar hefur staðið fyrir undirskriftarsöfnun á vefsíðu samtakanna síðastliðnar fimm vikur (hófst 8. apríl) þar sem skorað er á alþingismenn að hafna „staðfestingu ákvörðunar sameiginlegu EES-nefndarinnar, nr. 97/2017, um breytingu á IV. viðauka (Orka) við EES-samninginn (þriðji orkupakkinn).“
Auk þess sem þeim tilmælum er beint til „sameiginlegu EES-nefndarinnar að Ísland verði undanþegið innleiðingu þriðja orkupakkans enda er Ísland ekki tengt raforkumarkaði ESB.“

Málið var tekið út úr utanríkismálanefnd fyrir hádegi í gær og tekið upp til 2. umræðu í dag. Fyrirvarinn var því stuttur til að safna saman eiginhandarundirritunum en rafrænu undirskriftirnar voru yfirfarnar og prentaðar út kl 19:00 í gærkvöldi (14. maí). Ekki reyndist unnt að safna öllum eiginhandarundirritunum saman en tæplega 14.000 undirskriftir (nákvæm tala 13.480) voru afhentar þingforseta í dag . Undirskriftarsöfnunin heldur áfram þar til atkvæðagreiðsla um málið hefur farið fram.

Guðjón S. Brjánsson, 1. varaforseti Alþingis, tók á móti fulltrúum samtakanna í þinghúsinu í dag kl. 16:30 þar sem hann veitti undirskirftarlisunum viðtöku úr höndum Frosta Sigurjónssonar, eins af talsmönnum samtakanna. (Steingrímur J. Sigfússon, forseti Alþingis, var erlendis í dag og gat þar af leiðandi ekki veitt undirskriftunum viðtöku).

Sigurður Þórðarson, Rakel Sigurgeirsdóttir, Birgir Örn Steingrímsson, Elinóra Inga Sigurðardóttir, Frosti Sigurjónsson og Guðjón S. Brjánsson með undirskriftarlistana

 

 

 

Ritstjórn Fréttatímanns

Fréttatíminn er óháður miðill.