InnlentMenning, Ferðalög, Viðtöl og FleiraBarnaþing verður haldið í Hörpu

Ritstjórn Fréttatímanns4 mánuðir síðan2 min

 

Á næstu dögum eiga 250 börn um land allt von á  bréfi frá umboðsmanni barna. Bréfið inniheldur boð á Barnaþing sem haldið verður í Hörpu í Reykjavík 21. og 22. nóvember nk. og verður hápunktur afmælisárs barnasáttmálans en í ár eru 30 ár liðin frá því hann var samþykktur af Sameinuðu þjóðunum.

Börnin voru valin með slembivali úr þjóðskrá til að fá sem fjölbreyttastan hóp til þátttöku en markmið þingsins  er að efla lýðræðislega þátttöku barna og virkja þau í umræðu um málefni sem varða þau. Niðurstöður umræðunnar verða kynntar ríkisstjórn sem framlag í stefnumótun um málefni barna.

Þingið verður sett þann 21. nóvember með formlegri dagskrá en þann 22. nóvember verður dagskráin  tvískipt með annars vegar þjóðfundi með þátttöku barna og fullorðinna og hins vegar opinni dagskrá.

Ásamt börnunum verður Alþingismönnum, fulltrúum stofnana ríkis og sveitarfélaga, aðilum vinnumarkaðarins og frjálsum félagasamtökum boðið á þingið. Vigdís Finnbogadóttir er sérstakur verndari barnaþingsins en hún hefur unnið ötullega að málefnum barna og barnamenningu.

Ritstjórn Fréttatímanns

Fréttatíminn er óháður miðill.

Má bjóða þér að styrkja óháða blaðamennsku?

Hefur þú áhuga á að hjálpa Fréttatímanum að vaxa og dafna?
Með því að styrkja Fréttatímann stuðlar þú að frjálsri og óháðri umfjöllun.

Styrkir fara í gegnum Paypal og eru í Bandaríkjadollar. Unnið er að því setja upp styrki í íslenskri mynt.