FréttirInnlentViðskiptiRíkissjóður tekur erlent 71 milljarða vaxtalaust lán – Lækka okurvextir á Íslandi?

Ritstjórn Fréttatímanns3 dagar síðan4 min

Auglýsing


 

Vaxtalækkun framundan á Íslandi?

Ríkissjóður Íslands hefur í dag gefið út skuldabréf að fjárhæð 500 milljónir evra, eða að jafnvirði um 71 milljarði króna. Hægt hefði verið að taka 355 milljarða lán á þessum kjörum að láni m.v. eftirspurn við að lána Íslandi peninga í þessu eina útboði. Skuldabréfin eru nánast vaxtalaus og bera aðeins 0,1% fasta vexti og eru gefin út til 5 ára á ávöxtunarkröfunni 0,122%.

Þetta eru hagstæðustu vextir í sögu lýðveldisins og vextirnir vekja óneitanlega furðu á Íslandi þar sem að almenningur þarf að greiða eina hæstu vexti ásamt verðtryggingu sem að hýfir upp fasta vexti og skilar þannig hæstu vöxtum í veröldinni til innlendra lánaheildsala sem að fá sína vöru nú á ótrúlegum kjörum.

Er vaxtalækkun framundan spyr almenningur ? Þar sem að ríkið fær nánast 0% vexti sem eru góðar fréttir fyrir þá sem að fá að njóta þeirra kjara. 

Fjárfestar sýndu útgáfunni mikinn áhuga og nam eftirspurn um 2,5 milljörðum evra eða ríflega fimmfaldri fjárhæð útgáfunnar. Fjárfestahópurinn samanstendur af seðlabönkum og öðrum fagfjárfestum, aðallega frá Evrópu. Umsjón útgáfunnar var í höndum Barclays, JP Morgan, Morgan Stanley og Nomura.

Í aðdraganda nýju útgáfunnar gerði ríkissjóður tilboð í útistandandi fjárhæð eldri skuldabréfaútgáfu frá árinu 2014, sem nam upphaflega 750 milljónum evra. Eigendur bréfa að nafnvirði um 60 milljónum evra eða um 8,5 ma.kr. tóku tilboði ríkissjóðs til viðbótar við þær 398 milljónir evra sem keyptar voru til baka í desember 2017. Þeir fjárfestar sem tóku þátt og vildu, fengu forgang í nýju útgáfunni.

„Ríkissjóður hefur aldrei tekið lán á hagstæðari vöxtum,“ segir Bjarni Benediktsson fjármála- og efnahagsráðherra.

Fjárfestar tóku útgáfunni vel og nam eftirspurn fimmfaldri fjárhæð útgáfunnar. „Útgáfan nú er liður í að framfylgja langtímastefnu í lánamálum. Þetta er mikilvægur þáttur í því að bæta markaðsaðgengi innlendra aðila að erlendum lánsfjármörkuðum til lengri tíma og að stórum og fjölbreyttum hópi fjárfesta. Markaðsaðstæður eru hagstæðar um þessar mundir og það er ánægjulegt að festa þessi hagstæðu kjör til næstu fimm ára,“ segir Bjarni Benediktsson.

Ritstjórn Fréttatímanns

Fréttatíminn er óháður miðill.