FólkFréttirInnlentGuðmundur Franklín Jónsson yfirgefur Sjálfstæðisflokkinn eftir rúmlega þrjátíu ára samleið

Ritstjórn Fréttatímanns3 mánuðir síðan5 min

 

Úrsögn úr Sjálfstæðisflokknum

Guðmundur Franklín Jónsson

Guðmundur Franklín Jónsson hefur yfirgefið Sjálfstæðisflokkinn eftir meira en rúma þrjá áratugi sem flokksbundinn sjálfstæðismaður. Mikil ólga hefur verið innan raða Sjálfstæðisflokksins og hafa m.a. Davíð Oddson og fleiri haft uppi mikla gagnrýni á flokkinn og það sem að hann er orðinn að, í stjórnartíð Bjarna Benediktssonar. Þá hafa margir eldri flokksmenn og kjölfestu félagar flokksins gagnrýnt hann harðlega og úrsagnir verið tíðar.

Geir Jón Þórisson, f.v. þingmaður Sjálfstæðisflkokksins sagði sig opinberlega úr flokknum eftir hálfrar aldara samleið með honum og eru uppsagnirnar flestar raktar til nýrra stjórnarhátta núverandi formanns og þá m.a. vegna orkupakka þrjú sem að aðeins 13% þjóðarinnar er mjög hlynnt að verði samþykktur.

Af einhverri ástæðu vill núverandi forysta Sjálfstæðisflokksins keyra málið í gegnum Alþingi í óþökk kjósenda og sama á við um Framsóknarflokkinn og VG. Engin andstaða hefur verið gegn orkupakkamálinu hjá stjórnarandstöðunni nema af hálfu Miðflokksins eins og kunnugt er.

Guðmundur Franklín Jónsson hefur ritað opinbera úrsögn úr Sjálfstæðisflokknum líkt og Geir Jón gerði á dögunum:

,,Úrsögn úr Sjálfstæðisflokknum

Til Petrea Ingibjörg Jónsdóttir, skrifstofustjóra Sjálfstæðisflokksins.

Kæra Petrea, hér með segi ég mig úr Sjálfstæðisflokknum fyrir fullt og allt. Þetta er ekki auðveld ákvörðun en flokkurinn er kominn svo langt í burtu frá þeim gildum sem hann á að standa fyrir að ég sé mig knúinn til þess að segja þetta gott, en það er Orkupakki 3 sem fyllti mælinn.

Ég hef kosið og stutt Sjálfstæðisflokkin í meira en þrjá áratugi. Ég kaus flokkinn ma. til að standa vörð um um sjálfstæði landsins, hagsmuni þjóðarinnar gangnvart erlendum ríkjum og réttinn til lífs en flokkurin hefur hundsað allt þetta og meira til.

Flokkurinn er orðinn að málpípu stórútgerðarinnar, víðfeðms ríkisreksturs og einokunar- og fákeppnisfyrirtækja. Efnahagslega einangrandi hringamyndanir í íslensku atvinnulífi virðist ekki trufla forystuna mikið.

Skattlagning er í hæstu hæðum og meiri hækkanr eru á leiðinni.

Umsnúningur flokksins virðist algjör og ræðst hann nú á garðinn þar sem hann er lægstur þe. ófædd börn, eldri borgara og öryrkja, semsagt manneskjur sem geta illa eða alls ekki varið sig. Það er mjög sorglegt þegar mikilvægar stofnanir á borð við Sjálfstæðisflokkinn gleyma sínum uppruna, stefnu, gildum og hverjum þeir þjóna og umbreytast í andhverfu sína.

Með bestu kveðju og óska eftir staðfestingu á móttóku úrsagnar minnar. Gundi.jonsson@gmail.com “

Geir Jón Þórisson yfirgefur Sjálfstæðisflokkinn eftir hálfrar aldar samleið

Geir Jón yfirgefur Sjálfstæðisflokkinnn eftir 50 ár og safnar undirskriftum gegn Sjálfstæðisflokknum

Ritstjórn Fréttatímanns

Fréttatíminn er óháður miðill.

Má bjóða þér að styrkja óháða blaðamennsku?

Hefur þú áhuga á að hjálpa Fréttatímanum að vaxa og dafna?
Með því að styrkja Fréttatímann stuðlar þú að frjálsri og óháðri umfjöllun.

Styrkir fara í gegnum Paypal og eru í Bandaríkjadollar. Unnið er að því setja upp styrki í íslenskri mynt.