FólkInnlentEkkert komið fram sem upplýst getur hvað varð um Matthías

Ritstjórn Fréttatímanns5 mánuðir síðan5 min

 

MATTHÍAS ÞÓRARINSSON – SÍÐAST VITAÐ UM FERÐIR HANS ÞANN 27. OKTÓBER 2010Bjarki Hólmgeir Halldórsson tók efnið saman

MATTHÍAS ÞÓRARINSSON – SÍÐAST ER VITAÐ UM HANN Þ. 27. OKTÓBER 2010

Matthías Þórarinsson er fæddur 17. maí 1989. Hann var glaðlindur en fámáll og jafnvel lýst sem svolítið sérvitrum. Hann saumaði til dæmis á sig öll föt sjálfur. Hann var listhneigður mjög og málaði myndir auk þess sem hann hafði mikinn áhuga á bílum frá unga aldri. Á unglingsaldri missti hann föður sinn og var það Matthíasi mikið áfall.

Auglýsing

Matthías hafðist við í gamalli sendibifreið af gerðinni UAZ eða svokölluðum rússajeppa sem var búið að innrétta sem húsbíl. Á þessum bíl ferðaðist hann líka um þangað sem hann vildi fara. Jafnan dvaldi hann í honum í nágrenni við heimili móður sinnar á Kjalarnesi.

Í janúar 2011 fannst bifreið Matthíasar brunnin til kaldra kola í malarnámu á Kjalarnesi.

Síðast er vitað um ferðir Matthíasar með öruggum hætti 27. október árið 2010 en um það leiti var hann í samskiptum við móður sína. Síðan þá er ekkert til haldbært um ferðir hans eða gjörðir.

Ábendigar bárust þó um að hann hafi sést á Selfossi um miðjan desember en ekki reyndist unnt að sanna það. Fáar vísbendigar bárust sem hægt var að byggja á eða leita eftir.

Það var svo í janúar 2011 sem bifreið Matthíasar fannst brunnin til kaldra kola í malarnámu á Kjalarnesi. Ljóst var við rannsókn á bílnum að hann hafði ekki verið í bifreiðinni þegar hún brann og ekkert gaf til kynna á staðnum hvað orðið hefði um hann.

Eins kom ekkert í ljós við rannsókn á bílnum sem sagt gat til um eldsupptök en lögreglan taldi að bíllinn hefði brunnið um mánaðarmótin nóvember/desember. Dularfullt þótti þó að húslyklar Matthíasar sem gengu að heimili móður hans fundust skömmu eftir hvarfið í póstkassa við heimili hennar.

Enn hefur ekkert komið fram sem upplýst getur hvað varð um Matthías. Móðir hans heldur enn í þá von að hann muni skila sér heim einn daginn. Matthías Þórarinsson hefur ekki verið úrskurðaður látinn.

Búir þú yfir upplýsingum eða vilt koma á framfæri ábendingu varðandi ofangreint, eða önnur mannshvörf er þér bent á að hafa samband með tölvupósti. Póstfangið er mannshvarf@gmail.com –   Bjarki Hólmgeir Halldórsson tók efnið saman

Ritstjórn Fréttatímanns

Fréttatíminn er óháður miðill.

Má bjóða þér að styrkja óháða blaðamennsku?

Hefur þú áhuga á að hjálpa Fréttatímanum að vaxa og dafna?
Með því að styrkja Fréttatímann stuðlar þú að frjálsri og óháðri umfjöllun.

Styrkir fara í gegnum örugga greiðslusíðu hjá Paypal og er í bandarískum dollar.