FréttirInnlentBróðir ráðherra verður aðstoðarbankastjóri Arionbanka

Ritstjórn Fréttatímanns2 mánuðir síðan2 min

 

Ásgeir H. Reykfjörð hefur verið ráðinn sem aðstoðarbankastjóri Arion banka. Systir hans er þjóðinni vel kunn, en hún er Þórdís Kolbrún Reykfjörð Gylfadóttir, dómsmálaráðherra og ferðamála-, iðnaðar- og nýsköpunarráðherra.

Ásgeir Helgi Reykfjörð Gylfason mun hann hefja störf með haustinu. Um nýtt hlutverk er að ræða innan bankans.

Ásgeir hefur undanfarin ár starfað sem framkvæmdastjóri fyrirtækjasviðs Kviku banka hf. Hann var meðlimur í framkvæmdahópi um losun fjármagnshafta árið 2015 og áður starfaði hann hjá MP banka sem yfirlögfræðingur, hjá LOGOS lögmannsþjónustu í Reykjavík og London og hjá Straumi fjárfestingarbanka.

Ásgeir er með lögmannsréttindi og hefur lokið lagaprófi frá Háskólanum í Reykjavík.

Benedikt Gíslason, bankastjóri Arion banka:
,,Það er mikill fengur fyrir okkur í Arion banka að fá Ásgeir til liðs við okkur. Hann býr yfir mjög góðri þekkingu á fjármálastarfsemi og því hvernig auka megi arðsemi í þeirri starfsemi í kjölfar breytts starfsumhverfis banka. Ég er því sannfærður um að hans kraftar eiga eftir að nýtast vel í bankanum og hlakka til samstarfsins.“

Ritstjórn Fréttatímanns

Fréttatíminn er óháður miðill.

Má bjóða þér að styrkja óháða blaðamennsku?

Hefur þú áhuga á að hjálpa Fréttatímanum að vaxa og dafna?
Með því að styrkja Fréttatímann stuðlar þú að frjálsri og óháðri umfjöllun.

Styrkir fara í gegnum Paypal og eru í Bandaríkjadollar. Unnið er að því setja upp styrki í íslenskri mynt.