FréttirInnlentVar brotið á þér?

Ritstjórn Fréttatímanns2 mánuðir síðan8 min

 

Telur þú að lög hafi verið brotin á þér við framkvæmd nauðungarsölu á þinni eign?
Ef svo er, ertu þá til í að deila frásögn þinni með okkur?

Þannig hljómar beiðni frá Hagsmunarsamtökum heimilanna til almennings, til þeirra sem að hafa hugsanlega verið beittir órétti við nauðungarsölu á fasteign sinni.

Ljóst er að tugþúsund fasteignir voru seldar á nauðungarsölum, hjá fjölskyldum á s.l. árum og m.a. hefur íslenska ríkið verið umsvifamikið þegar hefur komið að því að hirða fasteignir af fjölskyldum á Íslandi.

M.a. hafa Íbúðalánasjóður og ríkisbankarnir hirt tugþúsundir eigna og líklega selt þær aftur á verulegu undirverði skv. upplýsingum. En ráðherrar núverandi ríkisstjórnar hafa neytað vel á annað ár að upplýsa hverjir fengu þessar eignir og á hvaða verðum, þrátt fyrir fulla heimild Persónuverndar að upplýsa málin.

Tækifæri til að láta ÞÍNA rödd heyrast
Þann 20. júní sl. var samþykkt á Alþingi, beiðni um skýrslu frá dómsmálaráðherra um framkvæmd embætta sýslumanna á lögum um aðför og lögum um nauðungarsölu. Við hjá HH vitum að víða er pottur brotinn og höfum óskað eftir fundi með dómsmálaráðherra og/eða þeim sem vinna þessa skýrslu. Þeim mun fleiri og fjölbreyttari dæmi sem við höfum um brot, þeim mun betra.
Dæmi um möguleg brot eru:
  • Fjárnám eða nauðungarsala framkvæmd án þess að greiðsluáskorun eða boðun hafi verið löglega birt.
  • Ekki gætt að því hvort boðin hafi verið úrræði til lausnar greiðsluvanda áður en nauðungarsölu var krafist.
  • Ekki gætt að leiðbeiningarskyldu við gerðarþola um réttarstöðu hans og framkvæmd gerðar.
  • Framhaldsuppboð ekki endurtekið þó framkomin boð væru undir markaðsverði fasteignar.
  • Ekki tekið tillit til fyrningartíma krafna við fjárnám eða úthlutun söluverðs eftir nauðungarsölu.
  • Ekki tryggt að uppgjör áhvílandi veðskulda miðist við markaðsverð fasteignar.
  • Önnur brot á lögvörðum réttindum gerðarþola en þau sem hér eru talin.
  • skilagreinum/uppgjöri að uppboði loknu
Eingöngu brot sýslumanna
Við biðjum ykkur um að athuga að við erum EKKI að biðja um sögur um brot banka eða stjórnvalda.
Þessi beiðni snýr EINGÖNGU að brotum sem þið teljið ykkur hafa orðið fyrir frá því mál eru komin í hendur sýslumanna.
Þið þurfið ekki að vitna í lög í frásögum ykkar, en í þeim þarf að koma skýrt fram í hverju þið teljið brotið liggja og einnig hvort við megum leggja þær fram í dómsmálaráðuneytinu undir nafni ykkar og kennitölu.
Mikilvægt að ÞÍN saga heyrist
Við vitum að það er hásumar og að flestir vilja hugsa um annað en þetta, en svona vinnast sigrarnir og þetta tækifæri til að láta rödd þeirra sem brotið hefur verið á heyrast, verður að nýta!

Sendið til…  Sendið á heimilin@heimilin.is með „Það var brotið á mér“ í efnislínu.

Rangar upplýsingar um nauðungarsölur og mikil leynd yfir tugþúsund seldra ríkiseigna

Ritstjórn Fréttatímanns

Fréttatíminn er óháður miðill.

Má bjóða þér að styrkja óháða blaðamennsku?

Hefur þú áhuga á að hjálpa Fréttatímanum að vaxa og dafna?
Með því að styrkja Fréttatímann stuðlar þú að frjálsri og óháðri umfjöllun.

Styrkir fara í gegnum Paypal og eru í Bandaríkjadollar. Unnið er að því setja upp styrki í íslenskri mynt.