FréttirInnlentSkorað á ráðherra að leyfa strandveiðar í september

Ritstjórn Fréttatímanns3 vikur síðan2 min

 

Í dag sendi Smábátafélagið Hrollaugur áskorun til sjávarútvegsráðherra um að leyfa strandveiðar í september 2019 eða þar til að áætluðu heildaraflamagni til strandveiða sumarið 2019 verður náð. Ákorunin hljómar svona:

Hæstvirtur sjávarútvegsráðherra Kristján Þór Júlíusson

Smábátafélagið Hrollaugur á Höfn skorar á þig Kristján Þór Júlíusson að leyfa strandveiðar fram í september 2019 eða þar til að heildaraflamarki sem áætlað var til strandveiða sumarið 2019 verður náð. Gæftir hafa verið misjafnar í kringum landið og gengi svæða misjafnt vegna veðra og vinda auk mismunandi fiskgengdar eftir svæðum. Þess vegna liggur fyrir að eitthvað mun standa eftir af áætluðu aflamarki til strandveiða fyrir sumarið 2019.

Hver dagur sem hægt er að róa til strandveiða er strandveiðiútgerðum og byggðum landsins mikilvægur og hvetjum við þig því til þess að taka þessari áskorun og heimila strandveiðar í september 2019 þar til að heildarafla sem áætlaður var til strandveiða 2019 hefur verið náð.

Ritstjórn Fréttatímanns

Fréttatíminn er óháður miðill.

Má bjóða þér að styrkja óháða blaðamennsku?

Hefur þú áhuga á að hjálpa Fréttatímanum að vaxa og dafna?
Með því að styrkja Fréttatímann stuðlar þú að frjálsri og óháðri umfjöllun.

Styrkir fara í gegnum Paypal og eru í Bandaríkjadollar. Unnið er að því setja upp styrki í íslenskri mynt.