FréttirInnlentSkora á forseta Íslands að beita málskotsrétti

Ritstjórn Fréttatímanns2 vikur síðan3 min

Fréttatilkynning
Í byrjun ágúst, fyrir mánuði, hófst söfnun áskorana til forseta Íslands á vefnum www.synjun.is. Áskorunin er svohljóðandi:

„Við undirrituð skorum á þig forseta lýðveldisins Íslands Hr. Guðna Th. Jóhannesson að beita málskotsrétti þínum til þjóðarinnar skv. 26. grein stjórnarskrár lýðveldisins Íslands og synja staðfestingar á hverjum þeim lögum samþykktum af Alþingi Íslendinga sem fela í sér afsal á yfirráðum Íslendinga yfir náttúruauðlindum okkar, svo sem orku vatnsaflsvirkjana og jarðhitasvæða, drykkjarvatni og heitu vatni, og afsal á stjórn innviða tengdum þeim til erlendra aðila, hvort sem það eru einstaklingar, fyrirtæki, stofnanir, ríki eða ríkjasambönd, og vísa þannig lögum til þjóðaratkvæðagreiðslu.“

Guðmundur Franklín Jónsson og Hildur Sif Thorarensen

Forsvarsmenn Synjun.is höfðu samband við skrifstofu forsetans og óskuðu eftir fundi með forseta Íslands svo hægt verði að afhenda þær þúsundir undirskrifta sem safnast hafa verið með áskoruninni. Í gær barst svar frá forseta Íslands þar sem staðfest var að hann gæti tekið á móti undirskriftunum kl. 09:00 á fimmtudagsmorgunn, 5. september, á Staðastað, skrifstofu forseta Íslands, að Sóleyjargötu 1 í Reykjavík. Verða undirskriftirnar því afhentar á morgun.

Með vinsemd og virðingu,

Guðmundur Franklín Jónsson, viðskipta- og hagfræðingur

Hildur Sif Thorarensen, verkfræðingur

Ritstjórn Fréttatímanns

Fréttatíminn er óháður miðill.

Má bjóða þér að styrkja óháða blaðamennsku?

Hefur þú áhuga á að hjálpa Fréttatímanum að vaxa og dafna?
Með því að styrkja Fréttatímann stuðlar þú að frjálsri og óháðri umfjöllun.

Styrkir fara í gegnum Paypal og eru í Bandaríkjadollar. Unnið er að því setja upp styrki í íslenskri mynt.