AfþreyingFréttirInnlentHvítur, hvítur dagur – Ingvar Sigurðsson og Ída Mekkín Hlynsdóttir eiga stórkostlegan leik í magnaðri mynd!

Ritstjórn Fréttatímanns1 vika síðan7 min

 

Myndin Hvítur, hvítur dagur, var frumsýnd í vikunni og sáu blaðamenn Fréttatímans þessa vel leiknu og mögnuðu mynd við það tækifæri

 

Ingimundur (Ingvar E. Sigurðsson) er lögreglustjóri sem hefur verið í starfsleyfi frá því að eiginkona hans lést óvænt af slysförum. Fyrri part myndarinnar er áhorfandanum m.a. kynntar aðstæður Ingimundar og það umhverfi sem að hann býr í litlum bæ út á landi, þar sem að allir þekkja alla. Það er eftirtektarvert hversu mikið er af góðum myndatökum af náttúru landsins og landslagið fær að njóta sín vel í mörgum atriðum myndarinnar.

Ingvar Eggert Sigurðsson, á hér enn einn leiksigurinn!

Í sorginni einbeitir Ingimundur sér að því að byggja hús fyrir dóttur sína og afastelpu, þar til athygli hans beinist að manni sem hann grunar að hafi átt í ástarsambandi við konu sína. Fljótlega breytist grunur Ingimundar í þráhyggju og leiðir hann til róttækra gjörða sem óhjákvæmilega bitnar einnig á þeim sem standa honum næst. Þetta er saga um sorg, hefnd og skilyrðislausa ást.

Þá nær leikstjórinn að túlka vel þá stemmingu sem þeir þekkja vel sem hafa búið í litlu byggðalagi en sú stemming er ansi frábrugðin því sem að við þekkjum úr yfirborðslegum  amerískum Hollywood myndum. Ída Mekkín Hlynsdóttir leikur dóttur Ingimundar og skilar hlutverki sínu frábærlega vel og fær allar 5 stjörnurnar fyrir.

Ída Mekkín Hlynsdóttir leikur dóttur Ingimundar og skilar hlutverki sínu frábærlega vel og fær allar 5 stjörnurnar fyrir.

Ingvar E. Sigurðsson skilar túlkun sinni á Ingimundi á stórkostlegan hátt, en Ingimundur á í miklum sálrænum erfiðleikum sem að hann hefur byrgt inni í langan tíma á bak við grímu. En sú gríma springur með miklum látum og sagan tekur óvænta stefnu.

Ingvar Sigurðsson og Ída Mekkín Hlynsdóttir fara með aðalhlutverkin og eiga bæði stórkostlegan leik í þessari mögnuðu mynd! 

Hlynur Pálmason, leikstjóri

Kvik­mynd­in Hvít­ur, hvít­ur dag­ur hef­ur verið seld til yfir 30 landa í Evr­ópu, Asíu, Eyja­álfu og Norður-Am­er­íku. Þar á meðal eru Ástr­al­ía, Nýja-Sjá­land, Kína, Bret­land, Frakk­land, Banda­rík­in og Kan­ada. Kvik­mynd­in verður frum­sýnd í Norður-Am­er­íku á kvik­mynda­hátíðinni í Toronto hinn 9. sept­em­ber.

Leikstjórinn Hlynur Pálmason færir okkur hér aðra kvikmynd sína í fullri lengd, Hvítur, hvítur dagur, en myndin var heimsfrumsýnd á gagnrýnendavikunni í Cannes 2019 þar sem Ingvar E. Sigurðsson hlaut Rising Star-verðlaunin, sem veitt eru af Louis Roederer Foundation.

Myndin hefur nú þegar hlotið einróma lof gagnrýnenda og sópað til sín fleiri verðlaunum – ásamt því að vera komin í forval fyrir Evrópsku Kvikmyndaverðlaunin 2019 og einnig hefur hún hlotið tilnefningu sem framlag Íslands til Kvikmyndaverðlauna Norðurlandaráðs 2019.

Hlynur er ekki alls ókunnugur verðlaunum og lofi en fyrsta kvikmynd hans í fullri lengd, Vetrarbræður (Vinterbrødre) (2017), átti mikilli velgengni að fagna og hlaut yfir 30 alþjóðleg verðlaun – en sú mynd var einnig tilnefnd til Kvikmyndaverðlauna Norðurlandaráðs 2018.

 

 

Ritstjórn Fréttatímanns

Fréttatíminn er óháður miðill.

Má bjóða þér að styrkja óháða blaðamennsku?

Hefur þú áhuga á að hjálpa Fréttatímanum að vaxa og dafna?
Með því að styrkja Fréttatímann stuðlar þú að frjálsri og óháðri umfjöllun.

Styrkir fara í gegnum Paypal og eru í Bandaríkjadollar. Unnið er að því setja upp styrki í íslenskri mynt.