FréttirInnlentBjarni Ben segir eldri borgara fá +2.700 kr. en ekki -482 kr. árið 2020

Ritstjórn Fréttatímanns6 dagar síðan5 min

 

Bjarni Benediktsson, fjármálaráðherra

Bjarni Benediktsson, fjármálaráðherra svarar grein eftir Arnór Ragnarsson, sem birtist í Morgunblaðinu í dag. þar segir Arnór Ragnarsson að eldri borgarar fái 482 krónum minna í vasann á mánuði eftir skattkerfisbreytingar. Bjarni heldur því fram á móti, að eldri borgara fái 2.700 kr. meira í vasann árið 2020, Þegar skattalækkun hefur átt sér stað.

Greinargerð Bjarna Benediktssonar um 2.700 króna hækkun til eldri borgara árið 2020 er hér að neðan:

Í aðsendri grein í Morgunblaðinu í dag segir Arnór Ragnarsson að álögur á eldri borgara muni hækka vegna skattkerfisbreytinga sem eru boðaðar nú um áramót.

Nánar tiltekið að eldri borgari með 300 þ.kr. tekjuskattsstofn muni greiða 400 kr. meira í skatt á mánuði á næsta ári vegna fyrirhugaðra breytinga á sköttum. Þetta er á misskilningi byggt sem sjálfsagt er að leiðrétta.

Hið rétta er að eldri borgari með tekjuskattsstofn upp á 300 þúsund kr. hefði í óbreyttu kerfi haldið eftir 247.546 kr. 2020 en mun halda eftir 250.244 kr. í nýju skattkerfi. Hann fær því skattalækkun upp á 2.700 kr. á mánuði frá áramótum eða rúmlega 32 þ.kr. í auknar ráðstöfunartekjur á árinu 2020.

Þetta er einungis fyrri hluti skattalækkunarinnar. Á árinu 2021 lækka skattarnir enn frekar og munar þá 7.532 kr. á mánuði eða 90.384 kr. á ári. Þá má geta þess að lífeyrisgreiðslur almannatrygginga munu að auki hækka um 3,5% árið 2020.

Nýtt tekjuskattskerfi mun auka, ekki skerða, ráðstöfunartekjur eldri borgara og hækka ráðstöfunartekjur allra tekjutíunda. Alls munu heimilin hafa 21 ma.kr. meira milli handanna á ári frá og með 2021.

Ritstjórn Fréttatímanns

Fréttatíminn er óháður miðill.

Má bjóða þér að styrkja óháða blaðamennsku?

Hefur þú áhuga á að hjálpa Fréttatímanum að vaxa og dafna?
Með því að styrkja Fréttatímann stuðlar þú að frjálsri og óháðri umfjöllun.

Styrkir fara í gegnum Paypal og eru í Bandaríkjadollar. Unnið er að því setja upp styrki í íslenskri mynt.