FréttirInnlentStálu peningum af greiðslukortum

Ritstjórn Fréttatímanns7 dagar síðan2 min

 

Lögreglan á höfuðborgarsvæðinu handtók þrjá karlmenn á föstudag, sem voru grunaðir um þjófnað og fjársvik í nokkrum málum í umdæminu á síðasta ári.

Það var fyrir tilstilli árvökuls borgara sem mennirnir voru handteknir núna, en málin sem um ræðir snúa öll að kortaþjófnaði þar sem hinir óprúttnu aðilar komust jafnframt yfir PIN-númer viðkomandi og náðu að taka út peninga af reikningum þeirra. Þremenningarnir, sem eru allir erlendir ríkisborgarar, voru færðir til yfirheyrslu á lögreglustöð og liggur fyrir játning í málunum.

Í þágu rannsóknarinnar var framkvæmd húsleit á dvalarstað mannanna, sem og í bifreið sem þeir höfðu til afnota.

Vegna þessa vill lögreglan ítreka að fólk gæti að sér þegar PIN-númer eru slegin inn og enn fremur að geyma ekki upplýsingar um PIN-númer með greiðslukortum.

Ritstjórn Fréttatímanns

Fréttatíminn er óháður miðill.

Má bjóða þér að styrkja óháða blaðamennsku?

Hefur þú áhuga á að hjálpa Fréttatímanum að vaxa og dafna?
Með því að styrkja Fréttatímann stuðlar þú að frjálsri og óháðri umfjöllun.

Styrkir fara í gegnum Paypal og eru í Bandaríkjadollar. Unnið er að því setja upp styrki í íslenskri mynt.