FréttirInnlentSamstarfsyfirlýsing um sjávarútvegs- og fiskeldismál undirrituð

Ritstjórn Fréttatímanns1 mánuður síðan2 min

 

Kristján Þór Júlíusson, sjávarútvegs og landbúnaðarráðherra, og T. Armstrong Changsan, sendiherra Indlands á Íslandi, hafa undirritað samstarfsyfirlýsingu um sjávarútvegs- og fiskeldismál.

Kristján Þór Júlíusson og T. Armstrong Changsan, undirrita samstarfsyfirlýsingu um sjávarútvegs- og fiskeldismál.

Markmið yfirlýsingarinnar er að efla samstarf og samvinnu á sviði rannsóknar og þróunar í sjávarútvegsmálum, þá sérstaklega að ýta undir samstarf íslenskra og indverskra fyrirtækja á þessum vettvangi.

Í samstarfsyfirlýsingunni er vikið að mikilvægi fiskveiðistjórnunnar, sjálfbærra veiða og umhverfissjónarmiða sem og fullnýtingu afurða og hámörkun verðmæta þeirra.

Kristján Þór Júlíusson, sjávarútvegs og landbúnaðarráðherra: „Í þessu samstarfi geta falist mikilvæg tækifæri fyrir íslensk fyrirtæki til að hasla sér völl á þeim sístækkandi markaði sem Indland er. Um leið er þetta tækifæri til að miðla af reynslu Íslendinga þegar að kemur að hagkvæmri fiskveiðistjórnun, sjálfbærum veiðum og fullnýtingu afurða.“

 

Ritstjórn Fréttatímanns

Fréttatíminn er óháður miðill.