FréttirInnlentBörn reykja kannabisvökva með rafrettum

Ritstjórn Fréttatímanns2 mánuðir síðan4 min

 

,,Fíkniefnadjöfullinn spyr ekki um fjölskyldu- eða heimilisaðstæður né í raun um nokkuð annað“
Lögreglan á Suðurnesjum vekur athygli á því að börn á svæðinu voru að reykja kannabis í gegnum rafrettur:
Lögreglan á Suðurnesjum vekur athygli á því að börn á svæðinu voru að reykja kannabis í gegnum rafrettu

,,Hverjir eru það sem eru aðallega að neyta fíkniefna?
Þetta er spurning sem við heyrum reglulega. Svarið við henni er ekki auðvelt en þó má segja að allir geti lent í því að falla fyrir fíkniefnum. Fíkniefnadjöfullinn spyr ekki um fjölskyldu- eða heimilisaðstæður né í raun um nokkuð annað.

Okkur bárust í dag nokkrar flöskur af meintum kannabisvökva fyrir rafrettur eins og sjá má á meðfylgjandi mynd. Þessi rafrettuvökvi var í vörslu barna sem voru byrjuð að fikta við að reykja hann. Þessi börn koma öll frá góðum heimilum þar sem röð og regla er á hlutunum. Þetta eru börn sem voru byrjuð að fikta…og hver veit hvernig farið hefði ef foreldrar hefðu ekki verið vakandi yfir því hvað börnin þeirra voru að gera?

En þessir foreldrar voru búin að vera að fylgjast með því hvað börnin þeirra voru að gera á kvöldin og voru með virkar forvarnir í gangi á heimilinu. Þau náðu að grípa inn í tímalega áður en aðstæður urðu illviðráðanlegar. Að sögn barnanna er mjög mikið af ungu fólki að reykja þennan kannabisblandaða rafrettuvökva í dag.

Við sem foreldrar verðum að fylgjast með og vita hvað börnin okka eru að gera. Aðgengi að fíkniefnum í dag er gríðarlega auðvelt en að sjálfsögðu gerum við lögreglumenn okkar besta við að stemma stigu við þessari vá.

En til að vel takist þá verðum við öll að standa saman. Við þetta má bæta að ekki er að finna kannabislykt af vökvanum sem okkur barst, heldur er lyktin frekar sæt.“ Segir lögreglan á Suðurnesjum.

,,300 til 400 manns deyja á dag út af þessu lyfi – Eins og ein stór Boeing þota að hrapa til jarðar, full af farþegum“

Ritstjórn Fréttatímanns

Fréttatíminn er óháður miðill.