Klukkan korter yfir fjögur í nótt var tilkynnt um ókunnugan mann sem fór inn í ólæst hús og lagðist þar til svefns í barnaherbergi. Um er að ræða hús í miðbæ Reykjavíkur. Ekki kemur fram í tilkynningu frá lögreglu hvort barn hafi verið í herberginu en málið er hjá lögreglunni.
Maður í annarlegu ástandi handtekinn í miðborginni, þar sem hann hafði verið að slást við menn og ógna erlendum ferðamönnum. Maðurinn fór ekki að fyrirmælum lögreglu og var hann vistaður fyrir rannsókn máls í fangageymslu lögreglu.
Þá var tilkynnt um slys við Klambratún. Tveir menn á rafmagnshlaupahjóli óku þar á gangandi konu. Konan féll og meiddist. Sjúkrabifreið kom á vettvang en ekki er vitað um meiðsl. Stjórnandi hjólsins er grunaður um ölvun við stjórn / aksturs reiðhjóls.
Ölvaður maður handtekinn við Laugarveg, grunaður um líkamsárás, hann var vistaður fyrir rannsókn máls í fangageymslu lögreglu. Árásarþoli var fluttur á Bráðadeild og er ekki er vitað um meiðsl.
Þá var maður í annarlegu ástandi handtekinn í hverfi 101 grunaður um innbrot / þjófnað og eignaspjöll. Maðurinn var vistaður fyrir rannsókn máls í fangageymslu lögreglu. Nokkuð var um ölvunar og fíkniefnaakstur sem að lögreglan hafði afskipti af.