FréttirInnlentViðskiptiSamherji beðinn um ráð til að blekkja veiði­heimildir út úr Græn­lendingum

Ritstjórn Fréttatímanns3 vikur síðan5 min

 

Pósturinn ber yfirskriftina: Að nema nýjar lendur

Gunnþór Ingvason, framkvæmdastjóri Síldarvinnslunnar í Neskaupstað, óskaði eftir leiðbeiningum um hvernig hægt væri að blekkja Grænlendinga til að komast yfir kvóta þeirra

Framkvæmdastjóri Síldarvinnslunnar bað félaga sína í Samherja um ráðleggingar varðandi það hvernig beita mætti blekkingum á Grænlandi til að komast mætti yfir veiðiheimildir og afla velvildar heimamanna. Þetta kemur fram í Fréttablaðinu í dag.

Gunnþór Ingvason, framkvæmdastjóri Síldarvinnslunnar í Neskaupstað, óskaði eftir leiðbeiningum um hvernig hægt væri að blekkja Grænlendinga til að fá kvóta og velvild í landinu. Þetta kemur fram í tölvupóstsamskiptum á milli Gunnþórs, Aðalsteins Helgasonar, Jóhannesar Stefánssonar og ónefndum einstaklingi hjá Samherja, sem hefur netfangið siggi@samherji.is. Samskiptin áttu sér stað í apríl 2014, og er hluti tugþúsunda skjala sem Wikileaks hefur birt. Umræddur póstur Gunnþórs, sem birtur er orðrétt, var sendur 30. apríl 2014.

Auglýsing
Pósturinn ber yfirskriftina: Að nema nýjar lendur

„Sælir félagar. Þannig er mál með vexti að vinir okkar í Grænlandi, Henrik Leth, var að biðja mig að setja niður fyrir sig hvað þyrfti til í fjárfestingum, veiðum, vinnslu og hafnarmannvirkjum ef menn myndu vera setja upp fiskimjöls og uppsjávarverksmiðju í Ammasalik austurströnd Grænlands,“ skrifar Gunnþór. Henrik Leth er stjórnarformaður Polar Seafood sem mun vera stærsta fyrirtæki í einkaeigu á Grænlandi.

Þá spyr Gunnþór einnig í tölvupósti hvort Samherjamenn séu ekki með einhverja punkta um hvernig þeir eigi samskipti við yfirvöld í Namibíu.

Gunnþór Ingvason, sendi eftirfarandi tölvupóst til Samherja: „Hann er ekki að hugsa um að setja neitt upp, heldur eru einhverjir heimamenn í Grænlandi með einhverja með sér í því að reyna ná kvótum og goodwill af stjórnvöldum með því að þykjast vera fara byggja upp á Austur Grænlandi. Eigið þið ekki tilbúna einhverja svona punkta þó svo að þeir eigi við um Afríku?“

Samherjamenn voru mjög fljótir að svara beiðni Gunnþórs:

„Það er kannski spurning um að taka frá Marokkó, hvað segirðu um það?“ spyr Jóhannes í svarskeyti og beinir þá spurningunni til áðurnefnds Sigga.

„Gunnþór, ertu að leitast eftir einhverju ýtarlegu eða bara í kynningarformi?“ spyr hann síðan stjórnanda Síldarvinnslunnar.

„Nei, bara punktum hvað þarf,“ svarar Gunnþór Ingvason.

Aðalsteinn Helgason var einn af lykilstarfsmönnum Samherja í á þriðja áratug þar til hann lét af störfum 2016, sama ár og Jóhannes Stefánsson

Þingmaður stígur fram – ,,Það stóð til að ræna þessari nýju auðlind fyrir framan nefið á þjóðinni!!!“

Ritstjórn Fréttatímanns

Fréttatíminn er óháður miðill.

Má bjóða þér að styrkja óháða blaðamennsku?

Hefur þú áhuga á að hjálpa Fréttatímanum að vaxa og dafna?
Með því að styrkja Fréttatímann stuðlar þú að frjálsri og óháðri umfjöllun.

Styrkir fara í gegnum örugga greiðslusíðu hjá Paypal og er í bandarískum dollar.