FréttirInnlentHiti gæti náð yfir 15 stigum – Hlýnar með sunnan strekkingi

Ritstjórn Fréttatímanns5 dagar síðan5 min

 

Hugleiðingar veðurfræðings á Veðurstofu
Nú eru lægðir við suðurhluta Grænlands og hæð yfir Írlandi. Saman beina þessi veðurkerfi til okkar hlýju og röku lofti langt sunnan úr höfum.
Í dag er útlit fyrir sunnan strekking eða allhvassan vind, en í kvöld og nótt má búast við hvassviðri eða stormi í vindstrengjum á norðanverðu landinu. Horfur eru á rigningu eða súld, en þurrir kaflar á Norður- og Austurlandi. Eins og áður sagði er loftið yfir landinu hlýtt og gæti hiti náð yfir 15 stig í hnjúkaþey um landið norðanvert.

Á morgun gera spár ráð fyrir að kröpp smálægð fari yfir landið frá norðri til suðurs. Vindáttin verður lengst af suðlæg og mjög vætusamt. Undir kvöld snýst vindur til vestlægrar áttar á vestanverðu landinu og þar kólnar og slyddukennd úrkoma lætur á sér kræla ef að líkum lætur.
Spá gerð: 02.12.2019 06:35. Gildir til: 03.12.2019 00:00.

Auglýsing

Veðurhorfur á landinu
Gengur í sunnan 10-18 m/s eftir hádegi, en hvassara í vindstrengjum norðanlands í kvöld og nótt. Víða rigning, en úrkomulítið norðaustantil á landinu. Hiti 7 til 16 stig síðdegis, hlýjast fyrir norðan.
Áfram stíf suðlæg átt á morgun og rigning með köflum, talsverð úrkoma sunnantil á landinu eftir hádegi. Vestlægari undir kvöld á vestanverðu landinu með slyddu og kólnar.
Spá gerð: 02.12.2019 05:44. Gildir til: 03.12.2019 00:00.

Veðurhorfur á landinu næstu daga
Á þriðjudag:
Suðlæg átt 10-18 m/s og rigning með köflum, talsverð úrkoma sunnantil á landinu síðdegis. Hiti 4 til 12 stig, hlýjast á Austurlandi. Vestlægari um kvöldið á vestanverðu landinu með éljum og kólnar.

Á miðvikudag:
Suðvestan 8-15 með éljagangi, en bjartviðri norðaustantil. Kólnandi, frost 0 til 5 stig seinnipartinn.

Á fimmtudag og föstudag:
Norðlæg átt með snjókomu eða éljum norðanlands, en yfirleitt þurrt og bjart syðra. Frost 1 til 10 stig.

Á laugardag:
Austlæg átt með dálitlum éljum norðanlands, snjókomu eða slyddu syðst á landinu, en þurrt að kalla á Vesturlandi. Frost 0 til 5 stig.

Á sunnudag:
Útlit fyrir norðaustanátt með dálítilli snjókomu eða slyddu norðan- og austanlands, en bjartviðri sunnan heiða. Hiti kringum frostmark.
Spá gerð: 01.12.2019 21:39. Gildir til: 08.12.2019 12:00.

Hefur þú áhuga á að hjálpa Fréttatímanum að vaxa og dafna?
Með því að styrkja Fréttatímann stuðlar þú að frjálsri og óháðri umfjöllun.

 

Ritstjórn Fréttatímanns

Fréttatíminn er óháður miðill.

Má bjóða þér að styrkja óháða blaðamennsku?

Hefur þú áhuga á að hjálpa Fréttatímanum að vaxa og dafna?
Með því að styrkja Fréttatímann stuðlar þú að frjálsri og óháðri umfjöllun.

Styrkir fara í gegnum örugga greiðslusíðu hjá Paypal og er í bandarískum dollar.