FréttirInnlentKókaín inniheldur verkja- og ormalyf, ætlað dýrum

Ritstjórn Fréttatímanns3 dagar síðan4 min

 

Töluverð aukning hefur verið á fíkniefnamálum hjá lögregluembættinu á Vestfjörðum. Um er að ræða mál þar sem aðilar eru uppvísir að því að hafa fíkniefni í sýnum fórum eða hafa verið stöðvaðir í akstri og eru grunaðir um að vera undir áhrifum fíkniefna við aksturinn.

Sem dæmi um hvað við erum að fást við þá fengum við niðurstöðu nýlega frá Rannsóknarstofu í lyfja- og eiturefnafræði hjá Háskóla Íslands sem efnagreindi fyrir okkur hvítt duft, ætlað kókaín.

Auglýsing

Efni sem tekið var af ungum manni sem hafði verið handtekinn nýverið grunaður um akstur undir áhrifum ávana- og fíkniefna. Efnapróf bentu til þess að kókaínið væri að mestu á formi kókaínklóríðs en við greininguna kom í ljós að efnið innhélt kókaín, laktósa, fenasetín og tetramísólí.

Fenasetín er hitalækkandi og verkjadeyfandi lyf sem er fyrir löngu hætt að nota hér á landi og Tetramísól er ormalyf ætlað dýrum. Þessi tvö lyf teljast ekki til ávana- og fíkniefna en án efa ekki æskileg inntöku svo ekki sé talað um þegar búið er að blanda þessu í kókaín.

Það er ljóst að það er allskyns ,,skítur“ til sölu hér á landi sem einhverjir eru tilbúnir til þess að taka inn án þess að vera með fulla vissu um hvaða efni er um að ræða.

Hefur þú áhuga á að hjálpa Fréttatímanum að vaxa og dafna?
Með því að styrkja Fréttatímann stuðlar þú að frjálsri og óháðri umfjöllun.

Ritstjórn Fréttatímanns

Fréttatíminn er óháður miðill.

Má bjóða þér að styrkja óháða blaðamennsku?

Hefur þú áhuga á að hjálpa Fréttatímanum að vaxa og dafna?
Með því að styrkja Fréttatímann stuðlar þú að frjálsri og óháðri umfjöllun.

Styrkir fara í gegnum örugga greiðslusíðu hjá Paypal og er í bandarískum dollar.